Чутах пÿрнесĕр тăрса юлман

Давлекан хулинче пурăнакан хĕрарăм çак кунсенче аллинчи пÿрнине суранлатнă. Тепĕр ирхине, пÿрни шыçсан, вăл больницăна кайнă. Сывлăх сыхлав ĕçченĕсем çĕррине хывса илме çăлавçăсенчен пулăшу ыйтма сĕннĕ.

Гражданка çапла тунă та, 117 № пушарпа çăлав чаçне çитсе РФ Инкеклĕ лару-тăру министерствин ĕçченĕсенчен пулăшу ыйтнă. Отделени командирĕ Александр Шамрай шыççа чакарас шутпа пÿрни çине пăр хунă та ятарлă инструмент пулăшнипе çĕрре касса татнă.

Пĕтĕм çăлав операцийĕ 15 минут пынă. Телейлĕ хĕрарăм çăлавçăсене пулăшнăшăн тата тăрăшнăшăн тав туса килнелле утнă.

Автор: Надежда Родионова

Читайте нас