Пушкăртстанри 23 хуçалăхра çурхи ака ĕçĕсем пуçланнă

Ултă муниципалитетра çанталăк условийĕсемпе усă курса нÿрĕке хупма тытăннă ĕнтĕ. Уйрăмах ĕçсем Çтерлĕ районĕнче хастар пыраççĕ. Кунта кĕрхи культурăсене 8 пин гектар, нумай çул ÿсекен курăксене 600 гектара яхăн им-çамланă.  Мелеуз, Ермеккей, Кармаскалă районĕсенчи хуçалăхсем те вĕсенчен юлмаççĕ.

Çакна та палăртмалла: çурхи уй-хир ĕçĕсем планпа килĕшÿллĕн иртеççĕ. Тăпра хатĕрленсе çитсен, ăшă кунсем пуçлансан ĕçсем тата та хăвăртрах кайĕç.