Пушкăртстанăн çичĕ çынни патшалăх наградисене тивĕçнĕ

Вĕсенчен ытларах пайĕ - нумай ачаллă çемьесем. РФ Президенчĕ Владимир Путин патшалăх наградисемпе чысласси пирки калакан указа алă пуснă. Пысăк чыса тивĕçнисен шутĕнче Пушкăртстан çыннисем те пур.

Çемье институтне çирĕплетнĕшĕн тата ачисене кирлĕ пек воспитани панăшăн Пушкăртстанра пурăнакан икĕ çемьене – Сергейпе Олеся Елисеевсене тата Факильпа Гульнара Фатхуллинсене – «Ашшĕ-амăш мухтавĕ» орденпа наградăланă. Çавăн пекех «Ашшĕ-амăш мухтавĕ» орденăн медальне Александрпа Наталья Самойловсене парĕç.

«Пушкăртстан» телерадиовещани компанийĕн кану прграмммисен редакцийĕн ертÿçи Рита Уметбаева «РФ культурăн тава тивĕçлĕ ĕçченĕ» хисеплĕ ята тивĕçнĕ.

Автор:Надежда Родионова

Читайте нас

Партнеры