+15 °С
Облачно
Новости
15 Июня , 04:58
Владимир Путин Пушкăртстанăн виçĕ çыннине хисеплĕ ятсемпе чысланă
Çĕршыв пуçлăхĕн хушăвĕпе килĕшÿллĕн «Медси-Уфа» клиникăн тĕп тухтăрĕ Андрей Грицаенко «Раççей Федерацийĕн тава тивĕçлĕ тухтăрĕ» хисеплĕ ята тивĕçнĕ. Медицина ăслăлăхĕсен кандидачĕ сывлăх сыхлав тытăмĕнче 1999 çултанпа ĕçлет, хирург пулса пуçланă, халĕ те операцисем тăвать. Вăл 70 ытла наука ĕçĕ пичетлесе кăларнă. Унсăр пуçне Грицаенко пилĕк патент тата виçĕ рационализаторла сĕнÿ хуçи шутланать. Çавăн пекех президент указĕпе Мустай Карим ячĕллĕ фонд директорне Альфия Каримована «Раççей Федерацийĕн культурăн тава тивĕçлĕ ĕçченĕ» ята панă.
Владимир Путин Пушкăртстанăн виçĕ çыннине хисеплĕ ятсемпе чысланă
«Раççей Федерацийĕн сывлăх сыхлавĕн тава тивĕçлĕ ĕçченĕ» хисеплĕ ята Çтерлĕри медицина колледжĕн директорĕ Виль Ибрагимов тивĕçнĕ. Медицина ăслăлăхĕсен тухтăрĕ Виль Рашидович Пушкăртстанра пĕрремĕш пулса онкологи енĕпе тухтăр диссертацине хÿтĕленĕ. Вăл хутшăннипе промышленность предприятийĕсене онкологи чирĕсенчен хÿтĕленмелли комплекслă схема хатĕрленĕ.
