Çулла – кану çеç мар, ырă та усăллă ĕçсем тумалли вăхăт

Пелепей хулинчи чăваш гимназийĕн сывлăха çирĕплетмелли çуллахи лагерĕнче ĕç вĕресе çеç тăрать. Воспитанниксемпе педагогсем хамăр хÿтĕлевçĕсене пулăшас тĕллевпе вăйĕсене пĕрлештернĕ. Аслисемпе ачасем сĕтеклĕ симĕс сухана тирпейлĕн касса типĕтме хураççĕ. Унпа типĕ яшка хатĕрленĕ çĕрте усă курĕç. Типĕ яшкасем вара ятарлă çар операцийĕн зонинчи салтаксем патне кайĕç. Ырă кăмăлпа хатĕрленĕ çут çанталăк продукчĕ салтаксене тăван кил-çурта аса илтерĕ.

- Пур ачана та, вĕрентекенсене те, салтаксем валли типĕ яшка хатĕрлес ĕçре пулăшнăшăн чунтан тав тăватпăр. Эпир пĕрле вăй. Хамăрăннисене пăрахмастпăр, - тав тăвать Ирина Добрейкина волонтер.

Çапла майпа ачасем ĕçе çеç мар, пĕр-пĕрне пулăшма та вĕренеççĕ. Çулла – кану çеç мар, ырă та усăллă ĕçсем тумалли вăхăт та.