«Хамăрăннисене пăрахмастăр» акци малалла пырать

Шкулсенче каникул вăхăтĕнче те вĕренÿ процесĕ чарăнмасть. Тĕрлĕ конкурс-мероприятисенчен тата кулленхи ĕçрен пушаннă вăхăтра Пишпÿлек тăрăхĕнчи Хушăлка шкулĕн вĕрентекенĕсем, шкул ачисемпе техника персоналĕ маскировка сечĕсем çыхмалли черетлĕ тапхăр йĕркеленĕ.

- Çак пархатарлă ĕç пирĕншĕн Раççей çар çыннисене пулăшмалли символ пулса тăчĕ. Эпир унта хутшăнакансенчен кашнинех тав тăватпăр. Пулăшу паян тата çак вырăнта кирлĕ. Эпир çĕнтерĕве çывхартас тесе хамăртан мĕн килнине пурне те тума тăрăшатпăр, - теççĕ вĕсем.