«Урă ял» конкурс пулăшнипе çĕнĕ кану вырăнĕ пулĕ

Авăркас районĕнчи Тутар Нукасак ялĕнче пурăнакансем «Урă ял» конкурсра выляса илнĕ укçана Нукасак кÿллин çыранне тирпей-илем кĕртес ĕçе ярĕç. Кун пирки район пуçлăхĕ Арслан Шагаретдинов пĕлтернĕ. А. Шагаретдинов палăртнă тăрăх, республика конкурсне пула ялта кÿлĕ хĕрринче канма хăтлă çыран пулĕ. Хальхи вăхăтра строительство ĕçĕсене хатĕрленеççĕ: лаптăка нумай çул ÿсекен ÿсен-тăранпа юшкăнран тасатаççĕ.

- Ку ĕçе канăçсăр чĕреллĕ ентеш Василий Федоров хăй çине илнĕ. Василий Иванович хăйĕн укçи-тенкипе çырана улăштарма пуçланă. Вăл ăна юшкăнран тасатать, çулсем хушши пухăннă кивĕ йывăçсемпе чăтлăхсене чунĕ хушнипе касать. Василий Иванович пулăшнипе нукасаксем выляса илнĕ укçа-тенке лаптăка тасатма тăкакламĕç, хăтлăх кĕртме ярĕç. Çакă ĕнтĕ вăл чăн-чăн «Атайсал». Ентешĕмĕр тăван кĕтесе сăмахпа мар, ĕçпе илем кÿрет, - тет район ертÿçи Арслан Шагаретдинов.

Автор:Надежда Родионова

Читайте нас

Партнеры