«БумБатл» макулатура пухмалли акцин çиччĕмĕш сезонĕ пуçланнă

Кивĕ хут пухмалли «БумБатл» Пĕтĕм Раççейри акци çĕршывăн тĕрлĕ регионĕсенче, çав шутра Пушкăртстанра та, çиччĕмĕш хут иртет. ПР Экологи министерстви пĕлтернĕ тăрăх, мероприяти «Экологи ырлăхĕ» наци проекчĕпе килĕшÿллĕн Раççей Çут çанталăк министерстви пулăшнипе 2027 çулхи май уйăхĕн 31-мĕшĕччен пырĕ.

Иртнĕ сезонра республика 857,7 тонна макулатура пухса Раççейĕн тĕрлĕ регионĕсем хушшинче лайăх кăтартусемпе палăрнă. Пухнă материалсене тирпейлеме янă, вĕсенчен гофрокартон, упаковка тата ытти хут продукцийĕ туса кăларнă.

Акцие шкулсем, предприятисем, учрежденисем, çемье командисем тата кирек кам та уйрăммăн хутшăнма пултарать. Кун валли бумбатл.рф сайтра регистраци иртмелле те кивĕ хут пухса йышăну пунктне кайса памалла, ун хыççăн акцие хутшăнни пирки #бумбатл#экоситстема#нацпроектэкоблагополучие хештегсемпе социаллă сетьсенче лартмалла.

Автор:Надежда Родионова

Читайте нас

Партнеры