Владимир Путин Як-130М çĕнетнĕ самолета хак панă

Пĕр уйăх каялла сывлăш карапĕ пĕрремĕш вĕçев тунă. Çĕнетнĕ Як-130М самолет çинчен Александр Гуськов летчик-испытатель каласа панă. Самолета паянхи саманана тивĕçтерекен борт системисем, радиолокаци станцийĕ, комплекслă хатĕрсем (çав шутра «сывлăш-сывлăш», «сывлăш-çĕр» авиаци хатĕрĕсем) вырнаçтарнă. Пĕр сăмахпа каласан вăл çăмăл истребитель евĕр.

Сывлăш карапĕн çар задачисен шутне çĕр çинчи тата сывлăшри тĕллевсене пурнăçласси те кĕрет. Çав шутра йывăр класлă пилотсăр вĕçекен аппаратсене тĕп тăвассипе çыхăннă ĕçсем те пур.