Богдан Корчажников улăп пахча çимĕçсем çитĕнтерет

Вун икĕ çулхи Богдан Корчажников Ишибай тăрăхĕнчен. Арçын ача улăп пахча çимĕçсем çитĕнтерет. Сăмахран, вăл акса ÿстернĕ хĕвел çаврăнăшĕн çÿллĕшĕ 3 метрпа, шĕлепкин диаметрĕ 50 сантиметрпа танлашнă. Унсăр пуçне Богдан 1 килограмм таякан помидор та ÿстернĕ.

Халĕ арçын ача улăп кавăн çитĕнтерессипе кăсăкланать. Паянхи кун асăннă пахча çимĕçĕн виçи 75 килограма çитнĕ, вăл кунсерен ÿссе пырать. Шкул ачи 350 килограмм таякан çимĕç ÿстерме ĕмĕтленет. Ĕмĕтленни пурнăçа кĕрсен кавăн Ишимбай тăрăхĕнче кăна мар, пĕтĕмĕшле Пушкăртстанра чи шултри пулса тăрĕ.