Пĕрремĕш курсра вĕренекенсем çине ултавлă çĕнĕ схема йăтăнса аннă

Кун пирки Раççей çыннисене RT-па калаçнă чухне Runet аналитика кăларăмĕн тĕп редакторĕ Владимир Зыков асăрхаттарнă. Вăл каланă тăрăх, аферистсем студентсемпе вĕсен ашшĕ-амăшĕ патне комендант е аслă шкул ĕçченĕ тесе шăнкăравлаççĕ, вĕренекене общежитие вырнаçтарма пулăшма шантараççĕ. Вĕсем пÿлĕме броньлама, залог хывма е ыйтăва татса пама «пулăшнăшăн»  пĕр-пĕр сумма тÿлеме сĕнеççĕ. Специалист ăнлантарса панă тăрăх, ултав аслă шкула шаннăран йĕркеленет, çавăн пекех  васкав пулнипе шухăшласа тăма та вăхăт çук.

 - Çынна суя тÿлев страници çине суя документсем ярса пама пултараççĕ е уйрăм çын картти çине укçа куçарма ыйтаççĕ,  - палăртнă В. Зыков.  – Кун пек сĕнÿсене университетпа общежитин официаллă çыхăнăвĕсем урлă çеç тĕрĕслемелле.

Эксперт палăртнă тăрăх, мошенниксем Раççей çыннисене темиçе пинрен пуçласа вуншар пин тенкĕ таран улталаççĕ. Çакна асра тытмалла: мĕнпур тÿлеве, пурăнма куçмалли йĕркене тата ытти ыйтăва аслă шкул хăй официаллă майпа çирĕплетет тесе пĕтĕмлетнĕ специалист.