Кистенлĕ ялĕнче кăмăс тума пуçлĕç

Пишпÿлек район администрацийĕн пуçлăхĕ Александр Семенов хăйĕн МАХ-каналĕнче пĕлтернĕ тăрăх, Кистенлĕ ялĕнче малашлăхлă çĕнĕ производство уçăлма пултарать. Лашасем ĕрчетекен Владислав Леонтьев хăйĕн ĕçне анлăлатма, кăмăс туса илессине йĕркелеме шутлать. Халĕ унăн хуçалăхĕнче 15 пуç лаша пур, анчах фермер тунă ĕç çинче çеç чарăнса тăрасшăн мар.

Район администрацийĕн пуçлăхĕ Александр Семенов пулас производство вăй-хăватне хак парас тата çак тăрăхра агротуризм аталанăвĕн малашлăхне сÿтсе явас тесе хуçалăха хăй çитсе курнă.

Тĕл пулу вăхăтĕнче вĕсем çывăхри çĕр лаптăкĕсене тара пама май пуррине сÿтсе явнă. Йĕркелÿ процесĕ хăвăртрах пурнăçлантăр тесе хуçалăх ертÿçине çывăх вăхăтра харпăрлăхăн юридици формине сÿтсе явма сĕннĕ.

Район администрацийĕнче Владимир Леонтьева кирлĕ документсем пулăшĕç. Пур ĕçе те майлаштарсан Кистенлĕ ялĕ районăн гастрономипе туризм картти çинче çĕнĕ вырăн пулма пултарать.