Пушкăртстанра икĕ пысăк çут çанталăк пушарне тĕп тунă

Вут-çулăма сÿнтерме Раççейри Инкеклĕ ĕçсен министерствин, республикăри пушара хирĕç кĕрешекен службăсен, муниципаллă службăсен тата ирĕклĕ пушар хуралĕсен вăйĕсене явăçтарнă.

ПР Инкеклĕ ĕçсен министерствин пресс-служби пĕлтернĕ тăрăх, пĕрремĕш пушар ĕнер кăнтăрла Баймак районĕнче Мукас ял Канашĕн çĕрĕ çинче хыпса илнĕ. Малтанхи сăлтавĕ – вут-çулăмпа асăрханусăр усă курни. Çав кунах каçхине уçă çулăма тĕп тунă.

Иккĕмĕш çулăма Сибайри Туялас ялĕ çывăхĕнче асăрханă. Унти çунакан лаптăк икĕ гектарпа танлашнă. Çак пушара та хăвăрт сÿнтернĕ.

Лару-тăрăва Инкеклĕ ĕçсен министерствин Пушкăртстанри уйрăмĕ асăрхаса тăрать.

Автор:Надежда Родионова

Читайте нас

Партнеры