Нумай ачаллă çемьесене çурт-йĕр туянма тата хăпартма ипотека ставкине чакарĕç

Çакăн пек пуçарăва ача прависемпе ĕçлекен уполономоченнăй Мария Львова-Белова каланă. Вăл ăна хваттер хакĕнчен кăшт пĕчĕкрех тума сĕннĕ.

Президент çак шухăша ырланă, хушăва правительствăна парассине палăртнă.

Вăл çĕршывра уйрăм çурт-йĕр строительствин калăпăшĕ юлашки çулсенче самай ÿснине, асăннă мера строительство отрасльне аталантарма хушма вăй-хăват парассине пĕлтернĕ.