+17 °С
Пӗлӗтлӗ
Çак кунсенче Çтерлĕри полицейскисен тăрăшуллăхне тата вичкĕнлĕхне пула наркокурьерсемпе закладчиксенчен тăракан пысăк ушкăна тытса чарнă тесе пĕлтернĕ Пушкăртстанри Шалти ĕçсен министерствинче. Унăн йышне 17 çултан пуçласа 35 çула çитичченхи çамрăксем кĕнĕ. Вĕсем Ĕпхÿ, Çтерлĕ хулисенче тата Белорецк районĕнче пурăннă.
Закона пăсса пысăк виçепе наркотик хатĕрĕсем сутнăшăн уголовлă ĕç пуçарнă. Çак ушкăна кĕрекен çынсен шучĕ ытларах та пулма пултарать тесе шутлаççĕ пакунлă çынсем. Çавăнпа та оперативлă ĕçсем малалла тăсăлаççĕ.
Юрий СНЕГОПАД.