Субботниксенче 92 пин кубла метр çÿп-çап пуçтарнă

Кăçал çуркуннехи субботниксем пуçланнăранпа республикăра 92 пин кубла метр çÿп-çап пухнă, ăна полигонсене ăсатнă. Аса илтеретпĕр, пĕрлĕхлĕ субботниксем Пушкăртстанра апрель уйăхĕн 12, 19 тата 26-мĕшĕсенче иртнĕ. Çакăн çинчен республикăри управлени центрĕнче иртнĕ правительство канашлăвĕнче ПР коммуналлă тата пурăнмалли çурт-йĕр хуçалăхĕн министрĕ Ирина Голованова пĕлтернĕ.

Район, хула администрацийĕсем вырăнта пурăнакансемпе пысăк ĕç туса ирттернĕ: çÿп-çап пуçтарнă, хăрнă тата чăрмантаракан йывăçсене тĕпĕнчен каснă, хÿме-картасене юсанă, çул хĕррисене тасатнă, урамсене тирпей-илем кĕртнĕ, йывăç тăррисене касса кĕскетнĕ, обществăлла транспорт чарăнакан вырăнти павильонсене çуса тасатса сăрланă, газонсене çĕнĕ сăн кĕртнĕ тата ытти те.

Юрий СНЕГОПАД.

Автор:Юрий Михайлов

Читайте нас

Партнеры