Çынсем ытларах апат-çимĕç, сĕтел-пукан, тум-тир пирки ÿпкелешеççĕ

Иртнĕ çул регионти Суту-илÿ министерствин потребительсен прависене хÿтĕлекен уйрăм специалисчĕсем Пушкăртстанра пурăнакансенчен 800 ыйту йышăннă.  154 çăхав хут çинче, 246-шĕ хĕрÿ лини телефонĕпе, 400-не харпăр  тĕл пулусемпе Ĕпхÿри суту-илÿ центрĕсене тата нумай функциллĕ центрсене консультацисене тухса çÿренĕ чух йышăннă.

Çынсем иртнĕ çул ытларах  таварсен начар пахалăхне ÿпкелешнĕ: ыйтусен 56%  килти техника, мобильлĕ хатĕрсем, сĕтел-пукан тата тумтир юрăхсăр пулнипе çыхăннă.

Суту-илÿри пĕтĕм çăхавсенчен 11,1 проценчĕ пахалăхсăр апат-çимĕçпе  çыхăннă. Çăмăллăхсен сферинче регионта пурăнакансем çурт-йĕрпе коммуналлă хуçалăх, обществăлла апатлану, укçа-тенкĕ организацийĕсене, йăлари сервис тата халăха пулăшмалли ытти организацисен ĕçĕпе кăмăллă пулман.

Çăхавсен пысăк пайĕ коммуналлă пулăшу кÿрессипе – 5,5% тата юсав ĕçĕсемпе  - 6,1% çыхăннă. Çăхав çыракансен 2,2 процентне кафепе ресторансен ĕçĕ тивĕçтермен, банксен ĕçĕпе 2,3 процент килĕшмен.

– Пирӗн ӗҫ ҫӑхавсене пӑхса тухнипе  çеç ҫырлахмасть, - хушса каланă регионти суту-илÿ министрĕ Азат Аскаров. – Эпир ҫынсен право пӗлӗвне ӳстеретпӗр, тӑтӑшах тематикăллă хӗрӳ линисем, потребительсем валли семинарсем, ҫавӑн пекех тухса ҫӳремелли консультацисемпе онлайн-тӗл пулусем ирттеретпӗр.