«СВО салтакĕсен мăшăрĕсене уйрăм тимлĕх уйăрмалла»

Пушкăртстан Пуçлăхĕ Радий Хабиров муниципалитетсен администраци пуçлăхĕсене ятарлă çар операцине хутшăннисен амăшĕсене, мăшăрĕсене, йăмăк-аппăшĕсене, хĕрĕсене уйрăм тимлĕх уйăрма хушнă.

«Малта мартăн 8-мĕшĕ – хĕрарăмсен уявĕ. Районсемпе хуласен пуçлăхĕсене Пĕтĕм тĕнчери хĕрарăмсен уявĕ кунне халалланă мероприятисем ирттерме хушатăп. Вĕсене районсен аталанăвне тÿпе хывакан хĕрарăмсене йыхравлăр. Салтак амăшĕсене, мăшăрĕсене чĕнĕр, тав тăвăр», - тенĕ Радий Хабиров правительствăн канашлăвĕнче.
Астутаратпăр, çуркуннехи пĕрремĕш ĕç эрни виçĕ канмалли кунпа вĕçленĕ. Пушкăртстанра пурăнакансем Пĕтĕм тĕнчери хĕрарăмсен уявĕ витĕмĕпе хушма канмалли куна тивĕçĕç.
Инга АЛЕКСЕЕВА.

Автор: Инга Алексеева

Читайте нас