+19 °С
Дождь
Общество
20 Июня , 10:00
Çĕршывра пыла йÿнерех хакпа ăçта туянма пулать?
Чек Индекс» платформа (рынокри таварсен хакĕсене чексем урлă тĕпчет) 2026 çулхи январь- май уйăхĕсенчи пыл хакне пĕлтерхи çав вăхăтрисемпе танлаштарса пăхнă. Çут çанталăк пылне ытларах чухне ярмăрккăсемпе пасарсенче сутнине палăртнă. Пĕр литр (1,4 килограмм) пылак çимĕç вăтамран 868 тенкĕ тăрать – 2025 çулхи январь-май уйăхĕсенчипе танлаштарсан 16 % хаклăрах.
Çĕршывра пыла йÿнерех хакпа ăçта туянма пулать?
Пыл хакĕ ÿснĕ, анчах та тавара туянакансен йышĕ 8 % чакнă. Экспертсем çакă хуртсене хĕл каçарма йывăр пулнипе çыхăнтараççĕ. Мĕншĕн тесе хурт-хăмăр ăстисен çĕнĕ пыл хурчĕсен çемйисене туянма тивнĕ.
Асăннă продукцие йÿнерех хакпа Чăваш Ен, Мари Эл тата Мордови республикисенче (литрне 700 тенкĕпе) туянма пулать. Чи хаклă пыл çурçĕрте – Мурманск, Тюмень облаçĕсенче, Якути Республикинче (литрĕ 1,5 пин тенкĕ ытла тăрать).
Çакна та палăртса хăвармалла, кăçал çуркунне ăшă çанталăка пула Пушкăртстанра пыл хурчĕсем иртерех вăраннă.
Юрий СНЕГОПАД.
