Пишпÿлек район администрацийĕн çĕнĕ пуçлăхне суйланă

Пишпÿлек район муниципаллă район Канашĕн депутачĕсем  район администраци пуçлăхĕ  пулма 53 çулхи Александр Александрович Семенова суйланă. Район Канашĕн депутачĕсем унăн кандидатуришĕн пĕр саслă пулса сасăланă.

Çĕнĕ ертÿçĕпе июнь уйăхĕн 30-мĕшĕнче контракт çирĕплетнĕ, çавăнпа та вăл хăйĕн тивĕçĕсене пурнăçлама пуçланă тесе пĕлтернĕ  район администрацин официаллă сайтĕнче.

Справка

Александр Семенов 1973 çулхи июнь уйăхĕн 11-мĕшĕнче  Пишпÿлек салинче çуралнă. 2008 çулта ПР Пуçлăхĕ  çумĕнчи  Пушкăрт патшалăх служби тата управлени академинче «патшалăх тата муниципаллă тытăм»  специальноçа  алла илнĕ.

Ĕç карьерине 1993 çулта Тури Курмаза (Верхне-Курмаза) ялĕнчи шкулта директортан пуçланă. 2002 çултан пуçласа Пишпÿлек район администрацинче  тĕрлĕ должноçра ĕçленĕ: тĕп специалист, пай пуçлăхĕ, çамрăксемпе тата спорт енĕпе ĕçлекен комитет ертÿçи.

 2020 - 2025 çулсенче Пишпÿлек ял Канашĕн пуçлăхĕ пулнă.  Ун хыççăн ăна  Пишпÿлек район администраци пуçлăхĕн экономика, инвестици политики тата предпринимательство енĕпе ĕçлекен çумĕ пулма шаннă.