+23 °С
Ясно
Общество
26 Июля , 13:00
Раççейре бензина экспорта яма чарассине малалла тăснă
Раççей правительтви бензина ют çĕршывсене сутма чарни çинчен пĕлтернĕччĕ. Çак чару мерипе малашне те усă курĕç - 2026 çул вĕçлениччен. Кун пирки РФ правительствин вице-прмьерĕ Александр Новак ертсе пыракан штаб йышăну тунă.
Раççейре бензина экспорта яма чарассине малалла тăснă
Çав вăхăтрах дизель топливине экспорта ярассине, рынокри хутшăнусем йĕркене кĕрсен, чарма пăрахĕç. Нефтьрен продукци туса кăларакан заводсем хамарăн çĕршыври потребительсене дизель топливипе тулли тивĕçтерсен çеç ют çĕршывсене сутма пултарĕç тесе çирĕплетне Александр Новак.
Аса илтеретпĕр, нефтьрен тунă продукцисене экспорта ăсатасси пирки вăхăтлăх чару мерине июль уйăхĕн пуçламăшĕнче логистикăна пула йышăннăччĕ. Вăл июлĕн 31-мĕшĕччен ĕçлемелле пулнă, анчах та лару-тăру лайăх енне улшăнманни çакăн пек утăм тума хистенĕ-тĕр.
Юрий СНЕГОПАД.
