Маттур Кристина, маттур Диана

Питěр, Чĕмпĕр, Пенза хулисенчен, Самар облаçĕнчен, Тутарстанпа Пушкăрт тăрăхěсенчен, Чăваш Республикин тĕрлĕ ял-хулинчен 19 каччăпа хĕр тата пултарулăх ушкăнěсем чӑваш юррине юрлас ӑсталӑхне кӑтартас тӗлӗшпе тӑрӑшнă, конкурс йĕркипе килĕшÿллĕн чăвашла эстрада юррисене шăрантарнă.
Пушкăртстан чысне çак конкурсра Çтерлĕри «Сарпи» эстрадăпа фольклор ансамблĕн хĕрĕсем Кристина Сусловăпа Диана Макеева хÿтĕленĕ, ăмăртура ушкăнпа юрласа пĕрремĕш вырăн йышăннă. Вĕсем «Сик тух» юрра шăрантарнă. Уйрăм юрăсем хушшинче вара Кристина «Пĕрле ялан» юрăпа (кӗвви Рашид Хабибуллинӑн, сӑвви Владимир Петровăн) Гран-прие çĕнсе илнĕ. «Сарпин» пултаруллă хĕрĕсене чун-чĕререн саламлатпăр.
Юрий СНЕГОПАД.