Владимир Путин Пушкăртстан çыннисене патшалăх наградисем пама йышăннă

Ĕçри çитĕнÿсемшĕн тата нумай çул хушши тÿрĕ кăмăлпа ĕçленĕшĕн «Автонормаль» Белебеевский завод» АОн тĕп производсто енĕпе тăрăшакан тĕп технологăн çумĕ – бюро ертÿçи Рустэм Ахметшин, «Автонормаль» Белебеевский завод» АОн электрооборудованисене юсакан Владимир Белозеров электромонтер, ПР Пуçлăхĕн администрацийĕн муниципаллă пĕрлĕхсемпе ĕçлекен управлени ертÿçи Юрий Коземаслов, «Автонормаль» Белебеевский завод» АО тĕп директорĕн патшалăх управленийĕн органĕсемпе çыхăнса ĕçлекен советникĕ Юрий Михайлов, Элшей район администраци пуçлăхĕ Дамир Мустафин Раççей Президенчĕн Хисеп хутне илме тивĕçнĕ.

Унсăр пуçне «Автонормаль»Белебеевский завод» АОн сивĕлле кăларакан (холодновысадочных) автоматсен автоматчикне Равиль Гасимова, «Автонормаль» Белебеевский завод» АОн фрезеровщикне Николай Матвеева тата «Башнефть» АНК» ПАОн тĕп директорне Владимир Чернова Тав хучĕсем пама йышăннă.

Редакцирен: чыслав списокĕнче чăваш çынни пурри пире савăнтарать. Вăл – Авăркас районĕнчи Чăваш Хурамал ялĕнче çуралса ÿснĕ Юрий Михайлов. Хальхи вăхăтра Мускавра «Ростех» патшалăх корпорацийĕнче ĕçлет. Çав вăхăтрах «Автонормаль» Белебеевский завод» АО тĕп директорĕн патшалăх управленийĕн органĕсемпе çыхăнса ĕçлекен советникĕн тивĕçĕсене пурнăçлать. Юрий Тимофеевича çак пысăк наградăна илнĕ ятпа саламлатпăр, малашне те тăван республикăшăн ырми-канми ĕçлеме сунатпăр.