«Алăсталăхлă Чăваш Ен» конкурс пĕтĕмлетĕвĕсем паллă

Унта хутшăнма кăмăл тăвакансем тĕрлĕ техникăпа стильсенче тунă хăйне евĕрлĕ япаласене тăратса халăх пултарулăхĕн пуянлăхĕпе тĕрлĕлĕхне кăтартса панă.

«Алăсталăхлă Чăваш Ен» конкурса хутшăннă ăстасенчен пĕри – Мияки районĕнчи Тимеш ялĕнче çуралса ÿснĕ, халĕ Шупашкарта пурăнакан Виктория Иванова (Павлова). Хĕр «Çамрăк хайлавçăсем» («Молодые созидатели») номинацире палăрнă. Конкурс йĕркелÿçисем В.Иванована команда йышĕпе Мускава кайма сертификат панă.

Аякри, çав вăхăтрах çывăхри ентешĕмĕре диплом çĕнсе илнĕ ятпа саламлатпăр!