Пушкăртстанра шăтăка анса кайнă ĕнене çăлнă

Баймак районĕнчи Темяс ялĕнче ĕнене тыткăнран кăларма çăлавçăсен пулăшăвĕ кирлĕ пулса тухнă. Чĕр чун картишĕнче тарăн шăтăка анса кайнă. Çак инкеклĕ лару-тăрăва кÿршĕри тимлĕ хĕрарăм асăрханă та васкавлă пулăшу службине шăнкăравланă.

Вырăна Темяс салинчи пушар сÿнтерекенсем килсе çитнĕ те ĕнене ирĕке кăларнă. Чĕр чун сиенленмен, суранланман тесе пĕлтернĕ ПР Инкеклĕ лару-тăру патшалăх комитетĕнче.

Сăмах май, çак кунах çăлавçăсем Иремель тăвĕ çинче аташса кайнă пĕр туриста, вăл йытăпа пулнă, пулăшу панă.

Юрий СНЕГОПАД.

Автор: Юрий Михайлов

Читайте нас