Пулăçсем Павловка шыв усравĕ варринче инкеке лекнĕ

Тăватă çыннăн Павловка шыв усравĕнче (водохранилище) хĕл кунĕнче пулă тытасси пăтăрмахпа вĕçленнĕ. Вун икĕ апостол чул хысакĕ тĕлĕнче вĕсем паян килĕсене таврăнаймассине тавçăрса илнĕ. Кĕтмен-туман çĕртен пулăçсен мотойытти чăхăмлама пуçланă. Вĕсен вара 30 градус сивĕре пăр тата юр тăрăх 13 çухрăм çуран утмалла пулса тухнă.

«Вырăна Пушкăртстанри Инкеклĕ лару-тăру патшалăх комитечĕн çăлавçисем пырса çитнĕ. Вĕсем пулăçсем хăрушлăха лекнине çийĕнчех тавçăрса илнĕ. Çăлавçăсем сывлăш минтерĕ çинчи караппа инкеке лекнĕ пулăçсене кану базине ăнăçлах илсе çитернĕ»,- тесе пĕлтернĕ  ведомствăн пресс-службинче.

Маларах çăлавçăсен юсавсăр кимĕ çинчи пулăçсене пулăшма тÿр килнĕ.

Халĕ пирĕн MАХ мессенджерта официаллă канал пур! Унта web.max.ru/-687399910... каçăпа куçма пулать.

Юрий СНЕГОПАД.