«Пирĕн ентешсем – пирĕн мăнаçлăх!»

Кашни çыншăн Тăван çĕршыв – чи хакли. Тăван çĕршыв вăл пысăк çемье евĕр. Хăш çĕршывра çуралассине эпир суйласа илме пултараймастпăр. Анчах вăл анне пекех, пĕртен-пĕрре.

Культура çуртĕнче ĕçлекен Елена Ивановапа Надежда Егорова ачасене Тăван çĕршыва харпăр хăй пурнăçĕнчен ытлараха хумаллине, уншăн кĕрешес, ĕçлес туйăм кашни çын умĕнче, унăн ăс-тăнĕнче пулмаллине ăнлантарса панă. Каланине вăрçă хирĕнче пуç хунă паттăрсене, Çĕнтерĕве çывхартма пулăшнă пĕр ял çыннисене сума суса вырнаçтарнă асăну хăми çинчи ылтăн сас паллисемпе çырăннă хушаматсемпе çирĕплетнĕ. Унсăр пуçне культура ĕçченĕсем Пишкайăн ял хутлăхĕнчен ятарлă çар операцине хутшăнакан паттăрсем çинчен каласа панă. Паттăрлăхпа краеведени сехечĕ Люция Анисимован паттăрсемпе Тăван çĕршыва халалланă сăввисене илемлĕ вуланипе вĕçленнĕ.