Ятарлă çар операцинчи Пушкăртстан салтакĕн çемйинче улттăмĕш ача çуралнă

Ятарлă çар операцине хутшăнакан «Охотник» хушма ятпа çÿрекен Пушкăртстан салтакĕ улттăмĕш хут атте пулса тăнă – унăн хĕр ача çуралнă. Вăл – Баймак районĕнчен. Çавна пула çĕршыв хÿтелевçи тăван килне отпуска килнĕ тесе пĕлтернĕ муниципалитет администрацинче.

«Охотник» тулли мар мобилизаци пуçлансан хăйĕнпе пĕр класра вĕреннĕ çывăх тусĕпе СВОна тухса кайнă. Вăл «Урал» автомобиль çинче водитель пулса хĕсметре тăрать, хăйĕнпе пĕрле службăра тăракансене мĕнпур япаласемпе тивĕçтерет – боеприпассенчен пуçласа апат-çимĕç таран.

«Азамат хăй те нумай ачаллă çемьере çитĕннĕ. Паянхи кун вĕсем мăшăрĕпе ултă ача çитĕнтереççĕ. Çакă вăл чăн-чăн хăюлăх, яваплăха туйни тата Тăван çĕршыва, çемьене юратни пулса тăрать. Пурнăçри йывăрлăхсене пăхмасăр вăл çывăх çыннисем валли вăй-хăват та, вăхăт та тупать», - тесе каласа панă район администрацинче.

Юрий СНЕГОПАД.

Автор: Юрий Михайлов

Читайте нас