Контракт мелĕпе служба иртекенсене пĕр хутчен тÿлевпе тивĕçтересси çинчен калакан йышăнăва улшăнусем кĕртнĕ

Кунта ятарлă çар операцийĕ пыракан зонăра служба иртме РФ Оборона министерствипе контракт алă пусакансене пĕр хутчен 505 пин тенкĕ парасси пирки сăмах пырать. Асăннă йышăну июль уйăхĕн 10-мĕшĕнчен пуçласа август уйăхĕн 31-мĕшĕччен алă пусакансене пырса тивет.

ПР Пуçлăхĕн Радий Хабировăн хушăвĕпе килĕшÿллĕн июль уйăхĕн 10-мĕшĕнчен контрактпа служба иртекенсене тивĕçтерекен тÿлевсен хисепĕ ÿснĕ. Енчен те унччен маларах пĕр хутчен паракан хисеп 205 пин тенкĕпе танлашнă пулсан, халĕ вăл республика бюджечĕн шучĕпе 505 пин тенке çитнĕ.

 - Мĕнпур тÿлевсене, РФ Оборона министерстви тата муниципалитетсем панине шута илсен хисеп 1 миллион тенке çитет. Çакă Радий Хабиров çар çыннисене (контракт, призыв тата мобилизици йĕркипе служба иртекенсене) пысăк тимлĕх уйăрнипе çыхăннă. Асăннă тÿлевсем контракт мелĕпе çар тивĕçне пурнăçлакансен сумне ÿстерме пулăшĕç, - тенĕ Максим Забелин.