Ятарлă çар операцине хутшăнаканăн çемйи çурт-йĕр сертификатне илме тивĕçнĕ

Район администрацийĕ пĕлтернĕ тăрăх, Карамышевсен çемйи 2019 çултанпа çурт-йĕр условийĕсене  лайăхлатмалли черетре тăнă.

2023 çулта Пушкăртстан правительстви регионта пурăнакан нумай ачаллă çемьесен уйрăм категорине çурт-йĕр туянма социаллă тÿлев илме право паракан çурт-йĕр сертификачĕсемпе тивĕçтересси çинчен калакан йĕркене улшăнусем кĕртнĕ. Çак йышăнăва правительствăн премьер-министрĕ Андрей Назаров алă пуснă. Нумай ачаллă çемьесен ятарлă çар операцине хутшăнакан тата мобилизаци йĕркипе çар тивĕçне пурнăçлакан  пайташĕсем çурт-йĕр сертификатне илме тивĕçеççĕ.