Вун тăватă хулара çемье ипотекипе харпăрлăхри хваттер туянма пулать

Агидельпе Баймак, Белорецкпа Бирск, Благовещенскпа Давлеканово, Ишимбайпа Кумертау, Межгорьепе Мелеуз, Салаватпа Сибай, Туймазăпа Янаул хулисем РФ Финанс министерствин апрель уйăхĕн 1-мĕшĕнчен пуçласа çемье ипотекин программипе килĕшÿллĕн харпăрлăхри хваттер («вторичка») туянма ирĕк паракан хуласен списокне лекнĕ.

Списока «Дом.рф» çурт-йĕр сферинчи çăмăллăхлă федераллă программăсен операторĕ пичетлесе кăларнă. Унта пурĕ 901 хула кĕнĕ.

Маларах пĕлтернĕ тăрăх, асăннă çемье ипотеки нумай хваттерлĕ икĕ çĕнĕ çуртран ытла мар хăпартакан (çулталăк хушшинче) хуласенче çеç ĕçленĕ. Туянмалли условисем çирĕп пулнă.

Харпăрлăхри хваттере ипотека программипе килĕшÿллĕн 6 çула çитичченхи ача çитĕнтерекен çемьесем туянма пултараççĕ. Хваттер 20 çултан аслăрах мар çуртра вырнаçмалла, вăл авариллĕ çуртсен списокĕнче пулмалла мар.

Автор: Ирида Матниязова

Читайте нас