Сад-пахча коммерци шутне кĕмен юлташлăхсене 750 млн тенкĕ ытла уйăрнă

Пушкăртстанра юлашки тăватă çул хушшинче 600 ытла сад юлташлăхне 750 миллион тенкĕлĕх патшалăх пулăшăвĕ панă. Çакăн пирки ПР Правительствин вице-премьерĕ – ял хуçалăх министрĕ Ильшат Фазрахманов пĕлтернĕ.

2025 çулта 128 сад-пахча коммерци шутне кĕмен юлташлăха 168 млн тенкĕ уйăрма палăртаççĕ. Асăннă нухратпа шалти инфраструктурăна аталантарĕç, çулсене юсĕç тата çутăпа тивĕçтерĕç.

- Кăçалтан пуçласа патшалăх пулăшăвне электронлă майпа çеç илме пулĕ. Çакă субсидисемпе грантсем илме заявкăсем памалли йĕркене çăмăллатать, укçа-тенкĕ уйăрассипе çыхăннă ĕçĕн тухăçне ÿстерет, - ăнлантарса панă Ильшат Фазрахманов.

Автор: Ирида Матниязова

Читайте нас