Шкул ачисене ятарлă стипенди тÿлĕç

Хулара хушма пĕлÿ паракан учрежденисенче вĕренекенсем валли «Çамрăк пултарулăх» («Юное дарование») стипенди çирĕплетнĕ. Унăн виçи уйăхсерен 4500 тенкĕпе танлашать. Ăна 2025 çулхи сентябрь уйăхĕн 1-мĕшĕнчен пуçласа майăн 31-мĕшĕччен пултаруллă ачасене тÿлĕç. Çакăн çинчен калакан йышăнăва хула мэрĕ Эмиль Шаймарданов алă пусса çирĕплетнĕ.

2025-2026 вĕренÿ çулĕнче стипеди илме тивĕçнисен шутĕнче Наталья Маннапова, Лев Духнин, Самира Кутузова çамрăк музыкантсем тата Фиона Титова хайлавçă пулнине пĕлтернĕ. Вĕсем пурте пултарулăх анинче çитĕнÿсем тунă.

Юрий СНЕГОПАД.