Пушкăртстанра пĕрремĕш çутçанталăк пушарне шута илнĕ

Инкеклĕ лару-тăру министерствин республикăри управленине вăрманта пĕрремĕш çутçанталăк пушарĕ тухни çинчен хыпар çитнĕ. Вăл Баймак районĕнчи Крепостой лестничесвинче алхаснă.

- Вут-çулăм вырăнне тупса палăртнă вăхăтра унăн лаптăкĕ 0,5 гектарпа танлашнă. Пушар çывăхĕнче 7 çухрăмра Ишбирда ялĕ вырнаçнă. Вут-çулăм çынсемшĕн хăрушлăх кăларса тăратман. Унсăр пуçне пушар çулне пÿлме хайлавлă (искусственный) чăрмав пур – ку вăл тăпра çул, - тесе пĕлтернĕ инкеклĕ ĕçсен ведомствинче.

Пушара сÿнтернĕ çĕре 18 çын тата икĕ техника хутшăннă.

Юрий СНЕГОПАД.

Автор: Юрий Михайлов

Читайте нас