«Европăна ирĕке кăларакансем» конкурса хутшăнма йыхравлаççĕ

Унта хутшăнакансем Тăван çĕршывăн Аслă вăрçи çулĕсенче хăйсен ăрăвĕнчи çынсем Европăна нацизм юхăмĕнчен ирĕке кăларас ĕçе хутшăнни çинчен каласа памалла. Конкурс тăватă форматпа иртет: эссе, видеоролик, презентаци тата ÿкерчĕк. Тĕплĕнрех конкурс сайтĕнче çырса кăтартнă.

Заявкăсене «Çĕнтерÿçĕсен мăнук ачисем» («Правнуки победителей») конкурс сайтĕнче 2024 çулхи ноябрь уйăхĕн 13-мĕшĕнче пуçласа 2025 çулхи январь уйăхĕн 30-мĕшĕччен йышăнаççĕ. Çавăнтах 2025 çулхи февраль уйăхĕн 28-мĕшĕнче çĕнтерÿçĕсен списокне пичетлеççĕ.

Çĕнтерÿçесене чыслама Мускава чĕнсе илеççĕ, вĕсем хаклă парнесене тивĕçĕç. Çавăн пекех Мускавра çывăхри тата аякри ют çĕршывсенчи «Вилĕмсĕр полк» акцине тĕнче шайĕнче йĕркелекен конкурс çĕнтерÿçисен утса иртнине (шествие) йĕркелĕç. Конкурса ярса панă паттăрсене тата истори саманчĕсене сăнласа паракан ÿкерчĕксене интерактивлă панно çине çирĕплетĕç.

Юрий СНЕГОПАД.

Сăн ÿкерчĕксем «Çĕнтерÿçĕсен мăнук ачисем» сайтран.