Тылри хĕрарăмсене халалланă палăк уçăлнă

Ăна районти культура çурчĕ умĕнче вырнаçтарни çинчен Çтерлĕпуç район администраци пуçлăхĕ Рустам Рахмангулов хăйĕн социаллă сечĕсенче пĕлтернĕ.

«Палăка çуран Раевка станцине вăхăтлăх лагерĕнче пулнă упăшкисем валли апат илсе кайнă хĕрарăмсем ячĕпе лартрăмăр. Вăл çамрăк ăрăва  ĕç пĕлтерĕшĕпе  çынсем йывăр вăхăтра  пĕрле пулмаллине тата район историне астутарса тăтăр», - тесе çырнă Рустам Рахмангулов.

Проекта организацисен ертÿçисем, фермер хуçалăхĕсем, депутатсем, предпринимательсем тата район çыннисем пулăшнипе пурнăçа кĕртнĕ.