Декабрĕн 14-мĕшĕнче Путин çулталăк пĕтĕмлетĕвне тăвать

Декабрь уйăхĕн 1-мĕшĕнче Раççейре пурăнакансенчен ыйтусем йышăнма пуçланă. Ыйтусене moskva-putinu.ru сайт урлă; 8-800-200-40-40  тÿлевсĕр телефонпа, 0- 40-40 тÿлевсĕр СМС пĕлтерÿпе (сообщени) тата ВКонтакте», «Однокласники» социаллă сетьсем урлă пама пулать.

Эрне хушшинче пурĕ президент адресĕпе пурĕ 250 пин ытла тĕрлĕ темăллă ыйтусем килнĕ. Чи çивĕччисем социаллă тÿлевсемпе, ятарлă операципе, сывлăх сыхлавĕпе çыхăннисем шутланаççĕ. Унсăр пуçне çынсем хăйсен шухăшĕсемпе тата сĕнĕвĕсемпе паллаштараççĕ. Çапла майпа, тĕрлĕ формата пĕрлештерсе, мероприятие журналистсем çеç мар, çĕршывăн тĕрлĕ кĕтесĕсенче пурăнакансем те хутшăнаççĕ.

Владимир Путин ыйтусене хăй суйласа илет, пĕрлештернĕ пĕтĕмлетÿ мероприяти вăхăтĕнче вĕсем çине хурав парĕ. Анчах та пĕр ыйту та тимлĕхсĕр юлмасть, енчен те вĕсем эфира лекеймен пулсан та. Кашни ыйту çинех хурав пулĕ.

Юрий СНЕГОПАД.