Радий Хабиров Пушкăртстан Пуçлăхĕн тивĕçĕсене пурнăçлама пуçланă

«Пушкăртстан Республикин Пуçлăхĕн полномочийĕсене пурнăçланă чухне Пушкăртстанăн нумайнациллĕ халăхне парăнса ĕçлеме, Пушкăртстан Республикин патшалăх тытăмне хÿтĕлеме тата çирĕплетме, Раççей Федерацийĕн Конституцине тата Пушкăртстан Республикин Конституцине пăхăнма, çыннăн тата гражданинăн прависемпе ирĕклĕхне гарант пама тупа тăватăп»,- тенĕ Радий Хабиров тупа сăмахĕсене каланă май.

Маларах «Урал сасси» хаçат иртнĕ суйлавра ку таранччен Пушкăртстан Пуçлăхĕ пулнă Радий Хабиров 80,21 % сасă пухнине пĕлтернĕччĕ. Унăн кандидатуришĕн республикăри 1,724 млн суйлавçă сасăланă. Пурĕ суйлава 72,34 % суйлавçă хутшăннă.