Пушкăртстанăн ĕç министрĕ 19 çулхи хĕр-тракторист çинчен каласа панă

«Унăн  аслашшĕ, ашшĕ тата аслă пиччĕшĕ пултаруллă трактористсем. Баймакри колледжа вĕренсе пĕтерсен Алина ĕç министерствин ĕçпе тивĕçтерекен службăна çитнĕ, унта социаллă пулăшу паракан программăна хутшăнма кăмăл пуррине пĕлтернĕ. Социаллă контракта алă пуснă май ĕçĕ те тупăннă. Паллах, ĕçе вырнаçнă хыççăн малтанхи уйăхсенче патшалăх енчен укçа-тенкĕ пулăшăвĕ те пулнă, - пĕлтернĕ министр.

«Красная Башкирия» ял хуçалăх предприятийĕнче хĕр иртнĕ çулхи сентябрь уйăхĕнчен пуçласа вăй хурать. Вăл хăйĕн ĕçне юратать, çуркунне çитессе кĕтет. Хальхи вăхăтра бригадăпа пĕрле техникăна çур акине хатĕрлет. Пĕртен-пĕр хĕре кунта ĕçтешĕсем упраççĕ, тимлĕх уйăраççĕ тата унăн ĕçри правурлăхĕпе çыпăçулăхне ырлаççĕ тесе палăртнă Ленара Иванова.

Юрий СНЕГОПАД.