Пушкăртстанра 76 пин çын баскетбол вăййине кăмăллаççĕ

Раççей Федерацийĕн баскетбол президенчĕ Андрей Кириленко палăртнă тăрăх, Пушкăртстан Республики пысăк йышран ăсталăха аталантармалли системăна пурнăçа кĕртес енĕпе ăнăçлă ĕçлет. Чăнах та, баскетбол пирĕн патра массăллă спорт тĕсĕсенчен пĕри шутланать. Регионта 76 пин ытла çын баскетбол кăмăллать.

Пушкăртстанри

Баскетбол федерацийĕ ачасене баскетбол занятийĕсене явăçтарас енĕпе тухăçлă ĕçлет. «КЭС-Баскет» шкул чемпионачĕсем пĕтĕм республикипе 1000 ытла вĕренÿ шкулне пĕрлештереççĕ.

 - Уйрăммăн UramBairam баскетбол енĕпе иртекен турнир проектне палăртса хăваратăп. Унăн финалĕ  Сибай хулинче иртнĕ Пĕтĕм Раççейри «Зауралье-2022» инвестсабантуйăн чăн илемĕ пулса тăчĕ. Шăпах çакăн пек проектсем пуррипе ачасем те, çитĕннисем те баскетболпа интересленеççĕ.  

Республика Пуçлăхĕ Радий Хабиров пулăшнипе Пушкăртстан юлашки пилĕк çул хушшинче

Раççейри тĕп спорт регионĕсенчен пĕри пулса тăчĕ. Пире час-часах пысăк спорт ăмăртăвĕсем ирттерме шанаççĕ. Çитес вăхăтра Пушкăртстан «Раççей — спорт çĕршывĕ» пысăк форума йышăнĕ, вăл октябрь уйăхĕн 17-19-мĕшĕсенче Ĕпхÿре иртĕ, - тенĕ Пушкăртстан премьер-министрĕ.