Спортсмен «Ял тренерĕ» программа тăрăх çуртлă пулнă

Çирĕм ултă çулхи тренер Çтерлĕри физкультурăпа спорт техникумĕнчен вĕренсе тухнă. Алла диплом илсен тăван Аскино ялне таврăннă. Çурт хăпартасси çинчен шухăшлама пуçланă. Район администраци представителĕсенчен ял тăрăхĕсенче ĕçлекен тренерсене пулăшу паракан проект çинчен пĕлнĕ. Çапла Рамиль Насртдинов хăйĕн кандидатурине пăхса тухма документсем панă.

Аскин тренерĕ 6-17 çулхи ачасене ишме вĕрентет. Аслăраххисем «Батыр» физкультурăпа сиплев комплексне çÿреççĕ, шăпăрлансем ятарлă программăпа ишме хăнăхаççĕ. Тренерăн çамрăк воспитанникĕсем районсен хушшинчи тата республика ăмăртăвĕсене хастар хутшăнаççĕ.

Астутаратпăр, «Ял тренерĕ» программăпа килĕшÿллĕн 1 млн тенкĕ таран пулăшу параççĕ. Кăçал вара «Хула тренерĕ» программа вăй илнĕ.