Пушкăртстан Парижри вăйăсенче 6 медаль çĕнсе илнĕ

Республикăри Адаптивлă спорт тĕсĕсен центрĕ пĕлтернĕ тăрăх, кĕмĕл медальсене çăмăл атлетика спортсменĕ Анна Кулинич-Сорокина тата Елена Прокофьева (сĕтел çи теннис) çĕнсе илнĕ. Бронза наградăсен хуçисем – Богдан Мозговой, Андрей Николаев (ишев енĕпе) тата Антон Кулятин (çăмăл атлетика).

Çавăн пекех Паралимп вăййисенче наци командин йышĕнче Пушкăртстан чысне Аделина Разетдинова (ишев спорчĕ) тата Елена Паутова (çăмăл атлетика) хÿтĕленĕ.

Кăтартусем тăрăх, Раççей тĕнче ăмăртăвĕнче саккăрмĕш вырăн йышăннă. Мала Китай спортсменĕсем тухнă, вĕсем 220 награда илме тивĕçнĕ (94 ылтăн, 76 кĕмĕл тата 50 бронза медаль). Иккĕмĕш вырăнта – Великобританин хутăш команди, унăн пухмачĕнче 124 медаль (49,44, 31). Виççĕмĕш картлашка çине Америка команди хăпарнă, вĕсем 105 медаль çĕнсе илнĕ (36,43, 27).