Пушкăртстан спортсменĕсем 5 ылтăн медаль çĕнсе илнĕ

Пушкăртстанăн çамрăк бадминтонисчĕсем Пĕтĕм Раççейри «Кама çумĕнчи кĕрккунне» («Осень Прикамья») ăмăртуран çĕнтерÿпе таврăннă. Вăл Пермь хулинче иртнĕ.

ПР спорт министрĕ Руслан Хабибов пирĕн республика спортсменĕсем пилĕк ылтăн медаль çĕнсе илнине пĕлтернĕ. Пушкăртстан чысне Полина Петрова (икĕ хутчен), Данил Неганов, Иван Меркушов тата Мартина Мартынова хÿтĕленĕ.

Пĕтĕмĕшле Пушкăртстанри бадминтонистсен команди 20 медале тивĕçнĕ. Пилĕк «ылтăнсăр» пуçне, вĕсене пилĕк кĕмĕл тата вунă бронза медальпе чысланă.

Юрий СНЕГОПАД.