Пушкăртстан фермерĕ регионсен хушшинчи «Пыллă шахмат турнирĕ» ирттернĕ

Республикăри спорт министерствинче пĕлтернĕ тăрăх, асăннă мероприяти вырăнти фермер хурт-хăмăрçă Николай Хрипунов  пуçарнипе 20 çул ытла йĕркеленет.

Юлашкинчен иртнĕ шахмат турнирĕнче Пушкăртстан Республикинчен тата Эрĕнпур облаçĕнчи Тюльган районĕнчен 6 район спортсменĕ хутшăннă. Йăлана кĕнĕ тăрăх, çĕнтерÿçе Николай Хрипунов хăй хуçалăхĕнчен пĕр фляга пыл парать.

Николай Хрипунов фермер районăн обществăлла пурнăçне хастар хутшăнать:  ыр кăмăллăх ĕçне пурнăçлать, спорт ăмăртăвĕсене йĕркелеме пулăшать. Çулсерен иртекен «Пыллă шахмат турнирĕ» çинчен республика тулашĕнче те лайăх пĕлеççĕ.