Çăмăл атлетсем Шупашкартан 29 медальпе таврăннă

Пушкăртстан спортсменĕсем Шупашкар хулинче Атăлçум федераллă округĕн çăмăл атлетика енĕпе иртнĕ ăмăртăвĕнче 29 медаль çĕнсе илнĕ.

Турнира 14 регионтан 1000 ытла спортсмен хутшăннă. Вĕсем пилĕк ÿсĕмре вăй виçнĕ.

Пушкăртстанри Спорт министерстви пĕлтернĕ тăрăх, республика командин пухмачĕнче - тăхăр ылтăн, 14 кĕмĕл тата ултă пăхăр медаль.

Пушкăртстан Республикин хутăш команди пысăк çитĕнÿсем тунăран Краснодар хулинче август уйăхĕн 1-3-мĕшĕсенче иртекен Çамрăксен спартакиадине хутшăнма тивĕçнĕ.

Автор: Ирида Матниязова

Читайте нас