Паянхи куна тивĕçтерекен бассейна 2026 çулта туса пĕтерĕç

Руслан Хабибов каланă тăрăх, 50 метрлă бассейна «Бизнес-спринт» федераллă проект витĕмĕпе тăваççĕ. Паянхи кун обществăлла апатлану тата гостиница вырнаçмалли секторăн  никĕсне хывас ĕç вĕçленсе пырать, çавăн пекех бассейн никĕсне те тума пуçланă.

 - Чăн малтан проектпа килĕшÿллĕн 25 метрлă бассейн пулмаллаччĕ. Анчах инвестор хула администрацийĕ пулăшнипе унăн тăршшĕне 50 метра çитерсе проекта пурнăçа кĕртме пикенчĕ. Улшăнусемпе çыхăннă тăкаксене инвестор хăйĕн укçи-тенкипе саплаштарĕ. Асăннă спорт объекчĕ  хула çыннисене хăй патне туртасса шанатăп, - тенĕ вице-премьер.