Елизавета Каплина çуллахи биатлон енĕпе Раççей чемпионĕ пулса тăнă

Пушкăртстан спорстменĕ Елизавета Каплина çуллахи биатлонра пĕрремĕш кăтарту туса çĕнтерÿçĕ пулса тăнă. Вăл спринтра мала тухма пултарнă – 7,5 çухрăма тăсăлакан дистанцине 20,7 минутра хыçа хăварнă.

Екатерина Мошковапа Виктория Метеля иккĕмĕшпе виççĕмĕш вырăнсене пайланă. Вĕсем иккĕшĕ те Ханты Мансийнск спортсменĕсем шутланаççĕ. Вĕсем пирĕн спростменкăран пĕрремĕш  - 21,4 секунт, тепри 23 секунт кая юлнă.

«Пирĕн республикăшăн хĕрсен хушшинче çуллахи биатлонра мала тухасси - историре пуçласа пулнă пулă», - тесе çырнă республика правительствин вице-премьерĕ – спорт министрĕ Руслан Хабибов.

Раççейри çуллахи биатлон çак кунсенче Пермь крайĕнчи Чайковскинче иртет.

Юрий СНЕГОПАД.