Ҫÿлелле ÿсекен траекторипе малалла

Ермеккей районĕнчи Янăшма шкулӗн вӗренекенӗ Дарина Федорова Белорецк хулинче иртнĕ ачери-биатлонпа Раҫҫей Кубокӗнче тата ăмăртăвĕнче(первенствинче) хӑй ҫинчен пӗлтернӗ.

Йĕлтӗрпе чупассипе тата ухӑран перессипе Дарина ҫӗршывӑн тӗрлӗ кӗтесӗнчи спортсменсемпе ăмăртнă. Раҫҫей Кубокӗнчи ачери-спринт ăмăртăвĕнче хĕр ача пиллӗкмӗш вырӑн йышӑнса лайăх кăтартусемпе савăнтарнă. Раҫҫей ăмăртăвне тухас тесе çамрăк спортсменкăн ачери-ӑмӑрту, ачери-спринт тата ачери-персьют спорт дисциплинисенче тупăшма тивнĕ. Кашни тапхӑртах Дарина ҫÿлелле хӑпарнă, улттăмĕш, унтан тӑваттӑмӗш тата юлашкинчен хисеплӗ виҫҫӗмӗш вырӑн ҫӗнсе илнĕ, хӑйӗн вӑй-хӑвачĕн ÿсĕмне тата лайӑх хатӗрленӗвне кăтартнă. Кӗҫех Дарина биатлон енӗпе пӗтӗм Раҫҫейри ӑмӑртура вӑй виҫӗ. Çамрӑк спортсменкӑна тата унӑн тренерӗсене çитӗнÿсем сунатпăр!