Пенсионерсем 5 çухрăмри суйлав участокне велосипедпа çитнĕ

Дурасово ялне çитме 5 çухрăм пулать, каялла та çав çулах велосипедпа кĕскетме тÿр килнĕ. Тус хĕрсемшĕн çакă савăнăç çеç. Суйлав участокĕнче «хĕрсем» сасăланă, «Рахмат» акцине хутшăннă. Ун хыççăн палланă çынсемпе тĕл пулса калаçнă, асăнмалăх сăн ÿкерчĕк тума та ĕлкĕрнĕ.

Тивĕçлĕ канăва кайиччен Альвина Сафаргалина Ишимбайри трикотаж фабрикинче ĕçленĕ, Нурия Имангулова Чапаев ячĕллĕ хуçалăхра пару пăхакан пулнă. Пенси çулне çитнине пăхмасăр вĕсем иккĕшĕ те хастар та ырă кăмăллă, яланах ялти общество пурнăçне хутшăнаççĕ, скандинав уттипе кăсăкланаççĕ. «Тунсăхлама пачах та вăхăт çук», -теççĕ кинемейсем.