Петровсен çемйишĕн суйлав пĕлтерĕшлĕ политика мероприяти шутланать

Пушкăртстан Пуçлăхне суйласси уйрăм çыншăн çеç мар, çемьесемшĕн те яваплă ĕç шутланать. Çакна Çтерлĕпуç районĕнчи Тетĕрпуç ялĕнче пурăнакан Петровсен çемйинчи тĕслĕх те çирĕплетет – вĕсем кашни çулах суйлав участокне йышпа çÿреме хăнăхнă.

Вячеслав Андреевичпа Ирина Петровнан ачисем ÿссе çитĕнне пулсан та ашшĕ-амăшĕпе пĕрле сасăлава хутшăнма кăмăллаççĕ. Екатеринăпа Константин Çтерлĕ хулинче пурăнаççĕ, анчах та прописка тăрăх тăван ялтах регистраци иртнĕ, çавăнпа та пĕлтерĕшлĕ политика мероприятинчен пăрăнса юлас мар тесе ятарласа кашни çулах атте-анне килне таврăнаççĕ.

Хальхинче те 2841№ суйлав участокне Петровсем пĕрле çитнĕ, хайсене килĕшекен кандидатшăн суйлавăн пĕрремĕш кунĕнчех сасăланă, «Рахмат» акцие хутшăннă.

Юрий СНЕГОПАД.